पर्सा | विश्वब्यापी माहामारी बनेको कोरोना भाईरस ‘कोभिड १९’ प्रकोपका बिच कृषि क्षेत्रलाई प्रोत्साहन गरी आन्मनिर्भरता बढाउँदै लैजानुपर्ने बहस चलिरहेका बेला बारा,पर्साका किसान भने खेतीमा गरिएको लगानी समेत जोगिँदैन कि भन्ने चिन्तामा छन् ।उपयुक्त समयमा मल उपलब्ध हुन नसक्दा कोरोनाको कहर भन्दा पनि उत्पादन घट्ने चिन्ताले बढी सताएको उनिहरु बताउँछन् । थ्यस्तै चिन्तामा छन कलैयाका सुनिल कुमार यादव ।

झण्डै दुई बिगाह जमिनमा उखु खेती गरेका उनले यसवर्ष अहिलेसम्म बालीमा मल राख्न पाएका छैनन् । ‘हामीले उत्पादन गरेको उखु जहिल्यै उधारोमा बेच्नुपर्छ । तर त्यसका लागि चाहिने मल नगदै किन्न पनि पाईँदैन ।’ उनि भन्छन्, किसानलाई यो भन्दा बढी चिन्ताको विषय के हुनसक्छ ?’यो समयमा बिगतका तुलनामा यसवर्ष बढी वर्षा भएका कारण उखुको उत्पादन बढ्नेमा ढुक्क थिए जीतपुरसिमरा–१८ बडहर्वाका उखु किसान ढकनारायण पराजुली ।

तर गोडमेल गरेर मल राख्नुपर्ने बेला कतै मल नपाएपछी अहिले उनि भन्छन्, ‘लगानी जोगाउने कसरी हो भन्ने चिन्ता भयो ।’मल चाहिने बेला वर्षेनी दौडधुप गर्नुपर्ने हैरानी बाराका किसानलाई छ । यसवर्ष पनि आवश्यक परेको समयमा मल उपलब्ध नभएको बढहर्वाकै अर्का किसान मुकेस लामा बताउँछन् । ‘कतै २० किलो पाईन्छ रे भन्छन्, कतै पाँच किलो पाईएको छ भन्छन्, तर कतै पाईएको छैन ।’ उनले भने ।मल बिउका लागि किसानहरुको भर पर्दो माध्यम बनेका स्थानीय सहकारी संस्थाहरुले पनि यसवर्ष चाहेजती मल खरिद गर्न सकेका छैनन् ।

यसवर्ष माग उच्च रहेको र माग अनुसार कृषि सामाग्री कम्पनी लिमिटेडले मल उपलब्ध गराईदिन नसक्दा थोरै परिमणमा खरिद गरिएको मल समेत वितरण गर्न समस्या हुनेगरेको सानाकिसान कृषि सहकारी संस्था बढहर्वाका मुख्य प्रवन्धक पुष्प खतिवडाले बताउँछन् । ‘अहिले आवश्यक भएकाहरुपनी मलको लाईनमा छन्, पछिका लागि आवश्यक पर्नेहरुपनि सोही बेला नपाईने डरले अहिल्यौदेखी खरिद गर्ने लाईनमा छन् ।’ खतिवडाले बारा खबरसँग भने, ‘यस्तो हुँदा वितरणमा समस्या उत्पन्न भएको छ ।’

किसानलाई तत्काल आवश्यकताका आधारमा वर्गिाकरण गरेर केहि परिमाणको मल वितरण गरिएको भएपनी त्यो प¥याप्त नभएको उनको भनाई छ ।यो समयमा किसानलाई बाँडिसक्नुपर्ने मल भारतको कोलकत्ता बन्दरगहामा रोकिएको छ । लकडाउनका कारण आयात प्रभाबित बन्दा कृषकलाई माग वमोझीम मल पु¥याउन नसकिएको कृषि सामाग्री कम्पनी लिमिटेड कलैया बाराका प्रमुख सिताराम श्रेष्ठले बताए । कृषि क्षेत्रका लागि अत्यावसेक सामानहरुको आयात सहज बन्दे गईरहेको केहि समयमा समस्या समाधान हुने विश्वास उनले ब्यक्त गरे ।