बिरगंज |  जिल्ला प्रहरी कार्यालयमा आज बिहान भएको छलफलमा प्रहरी उपरिक्षक पन्तले पत्रकार तिवारी यादवमाथि भएको दुर्व्यवहारको घटनामा संलग्न प्रहरी अधिकृतहरुसहितका प्रहरीहरुलाई सचेत गराउने र विभागीय कारवाहीको लागि सिफारिस गर्ने प्रतिबद्धता जनाएको नेपाल पत्रकार महासंघ पर्साका कार्यवहाक अध्यक्ष अनुप तिवारीले जानकारी दिनुभयो ।

1. अब उप्रान्त यस्ता घटना दोहोरिन नदिन मातहतका प्रहरीलाई सचेत गराउने र पत्रकारलाई सूचना सम्प्रेषण गर्न समेत सहज वातावरण बनाउने प्रतिबद्धता एसपी पन्तले व्यक्त गरेपछि हाललाई आन्दोलन स्थगित गरिएको

2. पत्रकार यादवको खोसिएको मोबाइल फिर्ता गर्ने र कोरोना महामारी नियन्त्रण प्रयासमा प्रहरी र पत्रकार दुवै मिलेर अघि बढ्ने सहमति भएको कार्यवहाक अध्यक्ष तिवारीले जानकारी दिनुभयो ।

साताव्यापी आन्दोलन अन्र्तगत आज बिहानैबाट पर्सेली पत्रकारहरुले आफु कार्यरत सन्चार माध्यम तथा सामाजिक सन्जाल मार्फत “पत्रकारसँग दुर्व्यवहार गर्ने दोषी प्रहरीलाई कारवाही गर” भन्दै दोस्रो चरणको आन्दोलन शुरु गरेका थिए ।

पर्साकी प्रहरी उपरीक्षक गंगा पन्तले दोषी प्रहरीलाई कारवाही गर्ने प्रतिबद्धता जनाएपछि पत्रकारहरुको दोस्रो चरणको आन्दोलन स्थगित भएको छ ।