वीरगंज | कोरोना भाइरस रोकथाम तथा नियन्त्रणका लागि सरकारले देशभर लकडाउन लागू गरेको आज ६९ दिन पुगेको छ।
११ चैतदेखि सुरु भएको लकडाउनको समयावधि पटकपटक थप गर्दै २० जेठसम्म पुऱ्याइएको थियो। 
लामो लकडाउनले जनजीवन प्रभावित भएकै बेला सरकारले लकडाउनको समयावधि फेरि थपेको छ् ।
हिजो बसेको मन्त्रपिरिषदको बैठकले आगामी जेठ ३२ गतेसम्म लकडाउनको समय बढाउने निर्णय गरेको छ ।
त्यसैगरी शनिवार साँझ प्रधानमन्त्रीको सरकारी निवास बालुवाटारमा बसेको बैठकले अन्तर्राष्ट्रिय सिमानाका र विमानस्थल असार १३ गतेसम्म बन्द गर्ने निर्णय गरेको छ ।
लामो लकडाउनले जनजीवन प्रभावित हुदैजादा देशैभर लकडाउनको पालनामा कमी आएको छ् । आज्सम्म् वीरगंजका मुख्य सडकमा अत्यावश्यक सेवा र पासवाहक सवारीसाधन मात्रै सञ्चालनमा छन्।सडकमा ट्राफिक प्रहरीले सवारीसाधनको जाँचमा कडाइ गरेको छ। पास नलिई सञ्चालन गरिएका सवारीसाधन नियन्त्रणमा राख्ने गरिएको छ।
तर भित्री सडकमा मानिसहरूको आवागमन न्यून देखिएको छैन् ।वीरगंजका भित्री सडकमा लकडाउनको पालना भएको पाइएको छैन् । धैइजसो पसल खुलेकै छन् भने मानिसको आवागमन पनि तेतिकै छ।अत्यावश्यक खाद्य सामग्री र तरकारी पसलहरू बिहान र बेलुका मात्रै खुल्ने भएपनि पालना भएको देखिएको छैन्। धेरै मानिसले सामाजिक दूरी कायम गर्न सकेका छैन्न्|
