बारा | बारामा आज थप ८ जनामा कोरोना पुष्टी भएको छ । सक्रमितहरु सबै जना बाराको पचरौता नगरपालिकाको रहेको जिल्ला प्रशासन कार्यालय बाराले जनाएको छ ।

उनीहरु सबै पचरौता पिरपातीमा रहेको वारेन्टाईनमा वस्दै आएका थिए ।नयाँ थपिएको कोरोना सक्रमितहरु मध्ये एक जना स्वास्थ्य कर्मी समेत रहेको जिल्ला प्रहरी कार्यालय बाराले जनाएको छ ।

उनीहरु सबै जना स्वास्थ्यकर्मीको सम्पर्कमा रहेको तथा अस्पतालमा ल्याउँने तयारी भइरहेको जिल्ला प्रशासन कार्यालय बाराले जनाएको छ ।यो सँगै बारामा कोरोना सक्रमित संख्या ५४ जना पुगेको जिल्ला प्रहरी कार्यालय बाराका प्रवक्ता डिएसपी गौतम मिश्राले बताउनु भयो ।

सक्रमित मध्ये दुई जना उपचार पछि घर पर्के तथा एक जनाको मृत्यु भएको मिश्राले बताउनु भयो । मृतकको दाहसंस्कार पछि मात्र कोरोना पुष्टी भएको थियो ।नयाँ सक्रमितहरु रोजगारीको सिलसिलामा भारतमा रहेको र लकडाउनमा नेपाल प्रवेश गरेको जिल्ला प्रहरी कार्यालय बाराले जनाएको छ ।

प्रदेश दुईमा ४५ जनामा पछिल्लो पटक कोरोना पोजेटिभ देखिएको थियो । जस मध्ये रौतहटका मात्रै ३५ जना रहेका छन् । त्यसै सिरहाका २ जना रहेका छन् ।