वीरगञ्ज | गत सोमबार वीरगञ्जको आदर्शनगरमा रहेको चित्रलेखा स्टुडियोमा लकडाउनको मौका छोप्दै यौन सम्बन्धी अनैतिक क्रियाकलाप भईरहेको विशेष सुचनाका आधारमा प्रहरीले छापा मार्यो । यौन धन्दा चलाएको आरोपमा स्टुडियो सञ्चालक सहित ३ जना पक्राउ परे ।घटनास्थलबाट दुई जना नाबालिकाहरुको पनि प्रहरीले उद्धार गर्यो । घटनास्थलबाटै पक्राउ परेका तीनै जना अभियुक्त हाल प्रहरीको हिरासतमा छन् । नाबालिकाहरु भने प्रहरीको संरक्षणमा छन् ।

छापामारीको शनिबार ४ बितेको छ । यी बितेका ४ दिनमा प्रहरीले अनुसन्धान गर्दैछौ बाहेक केही पनि भन्न मानेको छैन । नाबालिकाहरु उपर भएको यौन हिंसा जस्तो जघन्य अपराधको अनुसन्धानमा प्रहरीको अनुसन्धान प्रणाली निकै सुस्त देखिएको छ ।शनिबार छापामारी र पक्राउको ४ दिन बितेपछि प्रहरीको अनुसन्धानमा पक्कै केही प्रगती भएको हुनुपर्छ भन्दै पर्साका प्रहरी नायब उपरिक्षक गौतक थापालाई सम्पर्क गर्दा उनले भने बालिका यौन दुव्र्यवहारमा मुद्दा दागर गरेर अुनसन्धान भईरहेको छ ।

घटनाको ४ दिन बित्दा पनि अनुसन्धानमा प्रहरीले खासै प्रगती नगरेको देखिएको छ ।यस्ता जघन्य अपराधमा पनि प्रहरीको अनुसन्धान फितलो भएको भन्दै सामाजिक सञ्जालमा पर्सा प्रहरीको हाल व्यापक खिल्ली उडाइएको छ । कतिसम्म कि प्रलोभनमा परेर पर्सा प्रहरीले घटनालाइ सामसुम पार्न खोजेको स्थानिहरुको भनाई छ ।

अनुसन्धानमा सुस्त देखिएको पर्सा प्रहरीको रवैया यस घटना प्रति शंकास्पद देखिन थालेको छ ।यसअघि स्वास्थ्य परिक्षण नै नगरी पर्सा प्रहरीले मंगलबार सार्वजनिक मुद्दा अन्तर्गत म्याद थपेको थियो ।घटनाक्रमलाई अध्ययन गर्दा यो घटना कुनै हिसाबले पनि सार्वजनिक अपराध अन्तर्गत नपर्ने विश्लेषकहरुको भनाई छ ।मुलुकी अपराध संहिता २०७४, मुलुकी फौजदारी कार्य्विधी संहिता २०७४ र फौजदारी कसुर (सजाय निर्धारण तथा कार्यान्वयन) ऐन २०७४ अन्तर्गत करणी सम्बन्धी कसुरको दफा २१९ मा १८ वर्ष भन्दा मुनीका बालिकालाई सहमतिमा पनि शारिरीक सम्बन्ध राखेपनि जर्बरजस्ती करणी गरेको मानिने उल्लेख छ ।

सोही दफाको ३ ख मा १० वर्ष भन्दा माथि १४ वर्ष भन्दा कमको बालिका भएमा १८ देखि २० वर्षसम्म कैदको व्यवस्था गरिएको छ ।करणी सम्बन्धी कसुरको दफा २२५ मा बाल यौन दुरुपयोग नहुने अन्तर्गत ३ को धारा दुईमा कसैले करणीको आशयले बालिकालाई अस्वभाविक रुपमा एकान्तमा लगेमा यौन सम्बन्धी निजको अंग छोएमा वा समातेमा बाल यौन दुरुपयोग भएको स्पष्ट उल्लेख छ । जस अपराध अन्तर्गत तीन वर्ष कैद र तीस हजार जरिवाना उल्लेख छ ।यस्ता अपराधहरूमा अनुसन्धान फितलाे हुनु भनेकाे यस्ता अपराधलाइ बढावा दिनु भएकाे विश्लेषकहरूकाे भनाइ छ ।nepalpostdaily