काठमाडौं | प्रधानमन्त्री केपी शर्मा ओलीले बाहिरबाट आउनेले कोरोना सारेको बताएका छन् ।मंगलबार प्रतिधिनिधि र राष्ट्रियसभालाई सम्बोधन गर्दै उनले नेपाल कोरोना संक्रमणका असामान्य अवस्थामा रहेको बताए ।उनले भने, ‘आज हामी असहज र असामान्य अवस्थामा छौं । कोरोनाको महारमारी नेपालमा प्रवेश गरेको छ ।

र त्यसकै कराणले पनि दुई जना निधन भएको छ । म दुःख व्यक्त गर्न चाहान्न्छु । हाम्रो प्रयास नेपालमा कोही पनि कोरोनाबाट ज्यान जानु नपरोस् भन्ने प्रयास असफल भएको छ, सरकारले उच्च सतर्कता अपनाउँछ । सकेसम्म बढी परीक्षण गर्ने । क्वारेन्टाइनमालाई अझ प्रभावकारी बढाउने काम हुँदैछ । अधिकांश बाहिरबाट आउनेले नै कोरोना सार्ने हो ।

भारतबाट आएका व्यक्तिमा कोरोना संक्रमितको संख्या बढी रहेको छ । उहान, दुबईबाट आएका नरम नै थियो । भारतबाट आएको अलिक कडा भाइरस देखियो ।’ उनले चीन र दुबईबाट भन्दा भारतबाट आएको भाइरस कडा रहेको बताए ।