वीरगंज | नेपालमा नेपाली सेनामा कार्यरत दुई जवानलाई कोरोना भाइरसको संक्रमण भएको पुष्टी भएको छ ।
नेपाली सेनाका प्रवक्ता विज्ञानदेव पाण्डेका अनुसार जनकपुरधाममा गरिएको पीसीआर परीक्षणमा मध्य पृतना महोत्तरीमा कार्यरत सेनाका दुई जवानमा कोरोना पुष्टी भएको हो ।
संक्रमित दुबै जनालाई एम्बुलेन्समार्फत काठमाडौं लगि सशस्त्र प्रहरीको कोरोना विशेष अस्पतालमा निगरानीमा राखिने सेनाले जनाएको छ ।
शनिबारको नियमित मिडिया ब्रिफिङ्गमा स्वास्थ्य तथा जनसंख्या मन्त्रालयका प्रवक्ता डा. विकास देवकोटाले महोत्तरीका ५२ र काभ्रेका २६ वर्षीय पुरुषमा कोरोना भाइरस संक्रमण पुष्टी भएको बताएका थिए ।
यससँगै नेपालमा अहिलेसम्म कोरोना भाइरस संक्रमितको संख्या २ सय ७८ पुगेको छ । जसमध्ये २ सय २४ पुरुष र ५४ जना महिला छन् भने ३६ जना डिस्चार्ज भएर घर फर्किसकेका छन् ।
