बीरगन्ज | शनिबार नेपालमा ६ जनाकोरोना संक्रमित थपिएका छन् ।

बर्दिया, सिराहा, पर्सा, सर्लाही र चितवनमा गरी ६ जना संक्रमित थपिएका स्वास्थ्य तथा जनसंख्या मन्त्रालयले जनाएको छ । यो सँगै कोरोना संक्रमितको संख्या २ सय ७३ पुगेको छ ।

बर्दिया नार्खु–११ निवासी २८ वर्षीय महिला, सिराहा सखुवा–१९ निवासी ३० वर्षीय पुरुष र वीरगञ्ज–१२ निवासी २८ र २९ वर्षीया पुरुषमा कोरोना संक्रमण पुष्टि भएको हो ।

त्यस्तै सर्लाही रामनगर–४ निवासी १८ वर्षीया महिला, चितवन गढौली–१ निवासी २५ वर्षीया महिलामा कोरोना संक्रमण देखिएको स्वास्थ्य मन्त्रालयका सहप्रवक्ता डा. समिकुमार अधिकारीले जानकारी दिए ।

उनीहरु सबैको राष्ट्रिय जनस्वास्थ्य प्रयोगशाला काठमाडौंमा परीक्षण गरिएको थियो ।