बीरगन्ज | पर्साको ठोरी गाउँपालिकाबाट सशस्त्रका प्रहरी निरीक्षक बलात्कारको आरोपमा पक्राउ परेका छन् । सशस्त्रका ती प्रहरी निरिक्षकलाई गाउँलेहरुले नियन्त्रणमा लिएर नेपाल प्रहरीको जिम्मा लगाएको बुझिएको छ ।

यस सम्बन्धमा नेपाल प्रहरीका प्रहरी निरीक्षक अशोक साहसँग नेपाल पोष्ट डेलीले बुझ्न खोज्दा अहिले आफु अन्योलमा भएकाले विवरण दिन नसक्ने बताए । यद्यपि, पक्राउ परेका सशस्त्र ती प्रहरी निरिक्षकलाई जिल्ला प्रहरी कार्यालय पठाइएको र जिल्लाले अनुसन्धान गरेपछि केही कुरा खुल्ने प्रहरी निरिक्षक साहले प्रतिक्रिया दिए ।

नेपाल पोष्ट डेलीसँग ठोरीका स्थानीय व्यक्तिहरुसँग बुझ्दा सशस्त्रका ती प्रहरी निरिक्षकको चालचलन पहिलेदेखि नै ठीक नभएको प्रतिक्रिया दिएका छन् । सशस्त्रका ती प्रहरी निरिक्षकलाई गाउँलेले आज रंगहात पक्राउ गरी नेपाल प्रहरीको जिम्मा लगाएको स्थानीयले बताए । यस सम्बन्धमा थप विवरण आउन बाँकी नै रहेको छ ।