काठमाडौं | दार्चुलामा नेपाली भूमि भएर भारतले खनेको सडक भाडामा दिन सकिने प्रधानमन्त्री केपी शर्मा ओलीको भनाई प्रति नेपाल कम्युनिष्ट पार्टी (नेकपा)कै नेता भिम रावलले आपत्ति जनाएका छन् ।

हिजो (बुधबार) साँझ प्रधानमन्त्रीको सरकारी निवास बालुवाटारमा बसेको सर्वदलीय बैठकमा प्रधानमन्त्री ओलीले उक्त सडक भारतलाई नै भाडामा लगाउन सकिने अभिव्यक्ति दिएको बाहिर आएको थियो ।

नेता रावलले आज ट्वीट गर्दै अन्तर्राष्ट्रिय कानुन विपरित अतिक्रमण गरि बनाइएको सडक भारतलाई नै भाडामा दिने कुरा गरे वार्तामा नेपाल कमजोर हुने उल्लेख गरेका छन् ।

नेता रावलले लिम्यिाधुरा, लिपुलेक, कालापानी नेपाली भूभाग भएको तथ्य ऐतिहासिक दस्तावेज र प्रमाणाको आधारमा पुष्टि गर्दै भारतसँग दृढताकासाथ कुरा गर्नुपर्ने बताएका छन् ।

सर्वदलिय बैठकमा प्रधानमन्त्री ओलीले लिपुलेकमा भारतले खनेको सडक भाडामा दिन सकिने तर, भूमि छोड्न नसकिने बताएका थिए ।