काठमाडौं । कोरोना संक्रमणको तीव्र वृद्धिसँगै मध्यरातमा गएको भुकम्पका कारण जनजीवन त्रसित बनेको छ ।
दोलखाको जुगुलाई केन्द्रबिन्दु बनाई मध्यरातमा (११.५३ बजे) ५.३ रेक्टरको भूकम्प गएको भूकम्प मापन केन्द्रले जानकारी दिएको छ ।
दोलखालाई केन्द्रबिन्दु बनाएर गएको भुकम्पले सिन्धुपाल्चोक, रामेछाप, काभ्रे, काठमाण्डौंलगायत ठाउँमा समेत ठुलै धक्का महसुस गरिएको छ । यो सँगै मानिसहरुमा त्रास बढेको छ ।
कोरोनाले घरभित्र बस भन्छ मध्यरातमा घर बाहिर जा भन्छ भन्दै सामाजिक सञ्जालमा मानिसहरुले लेखेका छन् ।
२०७२ सालमा गएको शक्तिशाली भुकम्पपछि पराकम्पहरु जाने क्रम अहिलेसम्म रोकिएको छैन् ।
