भारतबाट नेपाल आउने सबै ठोरीबासीलाई क्वारेन्टाइनमा राख्ने ठोरी गापाको तयारी
वीरगंज संजाल
२१ बैशाख २०७७, आईतवार २२:५७
२१८३
वीरगन्ज| कृष्णा कुशवाहा | कोरोना भाइरस नियन्त्रणका लागी छिमेकी देश भारतले गरेको लकडाउन क्रमशः खुकुलो पार्ने तयारी गरेको समाचार आउन थालेपछि त्यहाँ मजदुरी गर्दै आइरहेका ठोरीबासीहरु पनि ठोरी फर्कने तयारी गरेका छन् ।
भारतको दिल्ली ,गुजरात लगायतका विभिन्न ठाँउमा कार्यरत ठोरीबासीहरुले वडा (३ का वडाध्यक्ष सुर्य बहादुर लामालाई फोन सम्पर्क गरेर ठोरी आउने तयारी थालेको जानकारी दिएको वडाध्यक्ष लामाले जानकारी दिए।
विश्वव्यापी महामारी कोरोना भाइरसको संक्रमण नियन्त्रणका लागी छिमेकी देश भारतले एक महिनाभन्दा लामो समयदेखि लकडाउन गरिरहेको छ।लकडाउनका कारण भारतमा मजदुरी गर्दै आइरहेका ठोरीबासीहरुको रोजगारी नै बन्द भएको र आर्थिक समस्याका कारण दैनिकी कष्टकर बन्दै गइरहेको जानकारी त्यहाँ रहेका ठोरीबासीहरुले गराएको वडाध्यक्ष लामाले बताए ।
रोग भन्दा पनि भोकको डर बढ्दै गएपछि बिशेष गरी ठोरी गापा(३ स्थायी ठेगाना भएका नागरिकहरुले नेपाल आउन प्रक्रिया थालेको वडाध्यक्ष लामा बताउँछन् ।गुजरातमा रहेका ३५ जना र दिल्लीमा रहेका ६५ जना ठोरी (३ का नागरिकहरुले नेपाल फर्कन त्यहाँ रहेको स्थानीय प्रशासनसंग अनुमति लिन लागेको र भारतले अनुमति दिनेबित्तिकै नेपाल आउने जानकारी आफुलाई गराएको वडाध्यक्ष लामाले जनाए ।त्यहाँ रहेका नेपालीहरु दिनप्रतिदिन कष्ट झेल्नुपरेको जानकारी आफुलाई गराएको वडाध्यक्ष लामाको भनाइ छ।