सोही वडाका रामस्वरुप दासको समस्या पनि उस्तै छ । ‘यहाँ दुई-तीन तल्ले घर भएको, बिघौ बिघा जग्गा भएका व्यक्तिलाई राहत दिइएको छ, तर हामी जस्ता दैनिक ज्यालादारीमा काम गर्नेलाई नाम छैन भनेर राहत नै दिएन ।’
जनकपुर १४ मुजेलियास्थित वडामा कुटाकुट नै भयो । स्थानीय विवेक यादवले वडाध्यक्षले राहत वितरणका लागि सूची तयार गर्न विभेद गरेकाले विवाद उत्पन्न भएको आरोप लगाए । उनले भने, ‘लगत संकलनमा वास्तविक विपन्नलाई समावेश गरिएको छैन, जो धनी छन्, जो वडाध्यक्षको अगुवा-पछुवा छन् उनीहरुकै नाम मात्रै राहत सूचीमा छ ।’
