बर्दिया | बर्दियामा एक बोरा पैसा भेटिएको छ । बाँसगढी नगरपालिकाको मानखोलास्थित सडक किनारामा पैसा फेला परेको हो ।

बोरामा शंकास्पद बस्तु रहेको सूचनाका आधारमा गएको प्रहरीले खोलेर हेर्दा एक, दुई र पाँचका नोट रहेको पाइएको छ ।

पैसा कसको हो र किन फालिएको भन्नेबारे अनुसन्धान भइरहेको बर्दियाका प्रहरीका प्रमुख एसपी राजेशनाथ बास्तोलाले बताए ।

कोरोना महामारीका कारण संक्रमण फैलन सक्ने त्रासका कारण स्थानीय कसैले पनि पैसा टिप्न नसकेका हुन् ।