रौतहट | रौतहटको कटहरिया नगरपालिका १ भसेडबा टोमा आइतबार राती एक युवाको कुटपिटबाट हत्या भएको छ । स्थानीय रामएकबालक रायको २५ वर्षिय छोरा सन्जिब रायको टोलकै केही व्यक्तिको कुटपिटबाट हत्या भएको हो।
संविज यादव एकजना साथीका साथ आइतबार राती करीब ९ बजे घरभन्दा करीब एक किमी टाढा खोर भन्ने टोलमा गएका थिए । सोही स्थानमा एकजनाले केही काम छ भन्दै लालबर्कया नदी किनारमा लगेर कुटपिट गरेको बुझिएको छ।
पूर्व योजनाअनुसार उक्त स्थानमा पुग्नासाथ पहिले नै सो स्थानमा रहेका ५÷७ जनाले यादव र सँगै गएका साथीलाई आक्रमण गरेका थिए । साथै गएका संजिवका साथी त्यहाँबाट भाग्न सफल भएका थिए ।
भागेका साथीले गाउँमा खबर गरेपछि गम्भीर अवस्थामा रहेका संजिवलाई उपचार गर्न लैजाँदै गर्दा बाटोमा नै मृत्यु भएको थियो । घटनामा संलग्न रहेको आरोपमा खोरटोलका २२ वर्षीय राधेश्याम दास पक्राउ गरेको र अन्यको खोजी भइरहेको इलाका प्रहरी कार्यालय गरुडामा डीएसपी ज्ञान कुमार महतोले जानकारी दिएका छन्।
