जनकपुर । जनकपुरमा दुई जना महिलाले सडकमा पैसा छरेर फरार भएका छन् ।
शुक्रबार दिउँसो करिब १ बजे जनकपुरधाम ४ स्थित महावीर चोकमा एक्कासी २ महिला आएर १० रुपैयाँको नोट यत्रतत्र छरेर फरार भएको प्रत्यक्षदर्शिले बताएका छन् ।

निलो र हरियो रंगको साडी लगाएका महिलाहरुले सडकमा पैसा फ्यालेका हुन् ।

कोरोना संक्रमण फैलाउने उद्धेश्यले ती महिलाले पैसा छरेर भागेको हुनसक्ने आशंका गरिएको छ भने स्थानीयवासी त्रसित बनेका हुन् ।

घटनालगत्तै स्थानीयवासीले प्रहरीमा खवर गरेका थिए । प्रहरीले नोट छरिएको ठाउँमा तत्कालै सेनिटाइजर छर्केर सडकमा छरिएका केही नोट टिपेको छ । सडकमा नोट फ्याल्ने महिलाहरुको खोजी भइरहेको जिल्ला प्रहरी कार्यालय धनुषाले जनाएको छ ।