काठमाडौं । कोरोनाले पछिल्लो २४ घण्टामा करिब ७ हजारको ज्यान लिएको छ । पछिल्लो २४ घण्टामा अमेरिकामा २ हजार १३७ ले ज्यान गुमाउँदा विश्वभरमा ६ हजार ९३६ जनाको ज्यान गएको छ । बेलायतमा पछिल्लो २४ घण्टामा ८६१ जनाले ज्यान गुमाएका छन् ।

पछिल्लो २४ घण्टामा ९३ हजार ५७३ कोरोनाका नयाँ संक्रसमत थपिएका छन् । यसमा अमेरिकामा मात्रै २९ हजार ५० छ । फ्रान्समा १७ हजार १६४ नयाँ संक्रमित २४ घण्टामा थपिएका छन् ।

अहिले विश्वभर १४ लाख ८७ हजार ७५२ कोरोना संक्रमितको उपचार भइरहेको छ । जसमध्ये ५६ हजार ५७७ को अवस्था गम्भीर रहेकोे छ ।

चीनको वुहानबाट कोरोना देखिए यता अहिलेसम्म यसको संक्रमण २१ लाख ७९ हजार ९०५ जनामा देखिसकेको छ ।