पोखरिया |  पर्साको पोखरियामा एक जनाले शनिबार दिउँसो आत्महत्या गरेका छन् । पोखरिया नगरपालिका वडा नम्बर १ वनकटवा बस्ने ७० वर्षीय बलि राउत कुर्मीले आत्महत्या गरेका हुन् ।

शनिबार दिनको २ बजे गमक्षाले पासो लगाई रुखमा झुन्डिएर कुर्मीले आत्महत्या गरेका हुन् ।

घटना भए लगात्तै घटना स्थलमा प्रहरी पुगेर मुचुल्का उठाई शवलाई पोष्टमार्टमको लागि नारायणी अस्पताल बीरगन्ज पठाईएको प्रहरीले जनाएको छ ।

घटना के कसरी भएको हो भन्ने विषयमा अहिले सम्म कारण खुल्न नसकेको ईलाका प्रहरी कार्यालय पोखरियाका प्रहरी निरिक्षक चन्द्रकुमार सिंहले जनाएका छन् ।