भक्तपुर | भक्तपुरको गठ्ठाघरमा एक जनाको विभत्स शव फेला परेको छ । ठिमी चार दोबाटोबाट गठ्ठाघर फलामे पुलमा निस्कने हनुमन्ते करिडोर किनारमा उक्त शव भेटिएको हो ।
शव महिला वा पुरुष छुट्टिने अवस्थामा छैन। स्थानीयले प्रहरीलाई खबर गरेपछि प्रहरी घटनास्थलमा आइपुगेको छ। घटनास्थल बस्तीभन्दा एकान्तमा छ।
भक्तपुर प्रहरी प्रमुख सविन प्रधानले घटनास्थलमा प्रहरी पुगिसकेकाले अनुसन्धान सुरु भइसकेको बताए। घटनास्थलमा सुरुवालको आधारमा हेर्दा महिलाको शव हुनसक्ने उनले बताए।
