काठमाडौं । वीरगंजका एक व्यवसायीलाई कोरोना संक्रमण भएको खवर आइतबार साँझ फैलियो । स्थानिय मिडिया हुँदै राष्ट्रय तथा भारतीय मिडियाहरुमा समेत समाचार सार्वजनिक भएपछि सबैको ध्यानआकृष्ट भयो । भारत बिहारको पटना मेडिकल कलेज अस्पतालमा करिब एक हप्तादेखि उपचाररत व्यवसायी शिवकुमार रुंगटामा कोरोना संक्रमण भएको खवरले सबैमा त्रास बढ्यो ।

स्थानीय प्रहरी प्रशासनले पनि रुंगटालाई संक्रमण भएको खवर आएको पुष्टि गरे । तत्कालै पर्सा प्रहरीले उनको परिवारलाई घरमै क्वारेन्टाइनमा बस्न आग्रह पनि गर्यो । वीरगंज महानगरपालिकाको आकास्मिक बैठक नै बस्ययतिबेलासम्म विश्वव्यापी महामारीको रुपमा फैलिएको कोरोना संक्रमण नेपाल भित्रियो भनेर सामाजिक सञ्जालका भित्ताहरु भरिसकेका थिए । तर त्यसको केही घण्टापछि रुंगटालाई कोरोना संक्रमण नभएको रिपोर्ट सार्वजनिक भयो । उनको नमूना परीक्षणको रिपोर्टमा नेगेटिभ आयो ।

त्यसपछि मिडियाले गलत समाचार सार्वजनिक गरेको भन्दै आलोचना सुरु हुन थाल्यो । हजारौंको ज्यान लिइसकेको कोरोना भाइरस जस्तो गम्भिर रोगलाई मिडियाले हल्का रुपमा लिएर अफ्वा फैलाउने काम गरेको भनेर आलोचना भइरहेको छ ।

मिडिया कसरी दोषी ?

पीएमसीएच अस्पतालमा उपचाररत शिवकुमार रुंगटा (दाजु) सँगै पटनामा रहेका सुरेश रुंगटाले स्थानीय प्रशासनमा फोन गरे । उनले आफ्नो दाजुको कोरोना संक्रमणको आशंकमा गरिएको नमूना परीक्षणमा रिपोर्ट नेगेटिभ आएको बताए ।सञ्चारकर्मिसँगको संवादमा पनि उनले पटना ल्यावमा गराएको परीक्षणमा रिपोर्ट नेगेटिभ आएको जानकारी गराए ।

पर्सा क्षेत्र नम्बर १ का सांसद प्रदिप यादवले वीरगंजका एक व्यवसायी शिवकुमार रुंगटालाई कोरोना संक्रमण भएको पुष्टि भएको खवर प्राप्त भएको स्ट्याटस फेसबुकमा लेखे ।
संक्रमित भनिएका रुंगटाका भाईसँगको संवाद, प्रहरी प्रशासनसँगको जानकारी र सांसद यादवको फेसबुक स्ट्याटसलाई कोड गर्दै सबैजसो मिडियाले सामाचार सार्वजनिक गरे । तर केही समय पछि उनले स्ट्याटस डिलिट गरे ।

वीरगंजका एक पत्रकार र सुरेश रुंगटा (भाइ)बीचको संवाद

पत्रकार– सरी फर डिस्टर्बींंंङ ! तपाइहरु त पहिला देखि नै एकदम तनावमा हुनुहुन्छ ।

सुरेश रुंगटा– एकदम हो भन्नुन ।

पत्रकार– ५ बजेर ३६ मिनेट रिपोर्टको टाईम लेखिएक छ ?

सुरेश रुंगटा– हँ…हामीहरुलाई राती १० बजे पाउछौं पूणे हस्पिटलबाट ।

पत्रकार– पुणेको हो ?

सुरेश रुंगटा– पुणेले पटनालाई दियो, पटनाले हामीलाई दियो ।

पत्रकार– यसमा पुणेको कुनै अस्पतालको जिकिर गरेको छैन ।

सुरेश रुंगटा– ऊ..उ जिकिर गर्दैन ।

पत्रकार– यसमा आईसीएमआर जुन छ राजेन्द्रमा मेमोरियल रिसर्च इन्टिच्युट अफ मेडिकल साइन्स, यो उसैको नाम हो ?

सुरेश रुंगटा– हँ उसैको नाम हो ।

पत्रकार– हँ आछा, यसको मतलब पटनावाला पीएमसीएच अस्पतालले पुणेमा पठाएछ हैन ? पुणेमा कुन ल्याबमा गएको थियो ?

सुरेश रुंगटा– सरकारी ल्याबमा । त्यहाँ एउटै मात्र ल्याब छ । सबै त्याँही पठाउँछ ।

पत्रकार– आछा यो भन्नुहोस् पटनामा कतिवटा चेकजाँचमा पोजेटिभ आएको थियो ?

सुरेश रुंगटा– एकै ठाउँमा गरेको थियो ।

पत्रकार– कुन तारिकमा गरेको थियो ?

सुरेश रुंगटा– आजै भएको थियो । दिउँसो ३ बजे । पटनावाला त्यही न्यूजमा आइरहेको छ हैन ?

पत्रकार– ए..३ बजेबाट आइरहेको छ हैन ।

सुरेश रुंगटा– अँ..’जी न्यूज’मा आइरहेको छ हैन । त्यही देखेर हामीले पनि प्रशासनलाई पहिले जानकारी गराउँ भनेर जानकारी गरायौँ ।

पत्रकार– फेरी तपाईहरुले अर्काे भन्नुभयो ?

सुरेश रुंगटा– …अँ त्यो भनेको थिएन, पुणेवालामा नेगेटिभ आयो ।

पत्रकार– हेर्नुहोस् १,२ घण्टामा कित तनाव भए सबै

सुरेश रुंगटा– उम्…पुरा वीरगंज तनाव भयो

पत्रकार– वीरगंज के, पुरा देश हल्लियो । सबै सीमानाका बन्द गरिदियो । रासस