वीरगंज संजाल
भोलिपल्ट २३ फागुनमा हेलिकप्टरबाट मिस नेपाल खतिवडा, श्रेष्ठ, हिडन ट्रेजरका अध्यक्ष राजकर्णिकारसहित केही पत्रकारहरुसँगै मोर्लीको टोली हेलम्बुस्थित निर्माणाधीन ग्रेट हिमालयन ट्रेल र मकवानपुरको कैलाश गाउँपालिका चेपाङ बस्तीमा निर्माणाधीन अस्पतालको अवलोकन गर्न पुगेको थियो ।मोर्लीको टोलीलाई हेलम्बुमा हेलम्बु गाउँपालिकाका प्रमुख निमा ग्याल्जेन शेर्पालगायतले स्वागत गरेका थिए । मिस नेपाल श्रेष्ठ र खतिवडा ‘ब्यूटी वीथ पर्पस’ रुपमा आयोजनासँग जोडिएका छन् । सिन्धुपाल्चोक र मकवानपुरको भ्रमण पश्चात उनी त्यही रातको उडानबाट फर्केकी थिइन् ।मोर्लीलाई दुई साता अघि कोरोनाभाइरस पोजेटिभ भेटिएको भन्ने फसेटको ट्वीटलाई आधार मान्दा नेपालमा रहँदै वा ट्रान्जिटमा उनलाई संक्रमण भएको अनुमान गर्न सकिन्छ ।
यदि त्यसो हो भने नेपाल आगमनदेखि नफर्कदासम्मको उनको पदचिन्ह पहिल्याउन र उनको सम्पर्कमा आएका व्यक्तिहरुलाई आइसोलेशनमा राख्न राख्नुपर्ने देखिन्छ ।यद्यपि पूर्व मिस नेपाल खतिवडाले भने मोर्लीलाई ज्वरो मात्र आएको ट्वीट गरेकी छिन् ।तर, भ्रमण वर्षका संयोजक वैद्यले भने हालै ट्वीटमार्फत आफ्नी श्रीमति रितुले मोर्लीसँग कुराकानी गरेको र उनले आफूमा उक्त फ्लुका संक्रमण नभएको बताएको उद्धृत् गरेका छन् ।वैद्यले ट्वीटमा मोर्लीको जवाफ भन्र्दै ‘आफूलाई फ्लु भएको बारे अपव्याख्या भएको हुनसक्ने’ बताएको उल्लेख गरेका छन् ।उनले मोर्लीले आफू ठीक भएको बताउँदै घातक संक्रमणले सताइएकाहरू चाँडै निको हुने बारे प्रार्थना गरिरहेको र उपचारमा भ्याक्सिन पत्ता लाग्ने विश्वास पनि व्यक्त गरेको लेखेका छन् ।
