ठोरी| ठोरी गाउँपालिका वडा नं १ भगवान नगर टाँडीमा दिउँसो एक्कासी देखा परेको आगोले पाँच ओटा घर नष्ट गरेको छ।सिङे पर्वतमा रहेको भ्यु टावरतिर बाट आएको आगोले तेज बहादुर परियार, भरत परियार ,,चेत बहादुर परियार ,कृष्ण परियार ,किशोर परियारको घरमा आगलागि भएर खरानी बनाएको छ।

लाइनै रहेको पाँच घर मध्ये सुरुमा तेज बहादुर परियारको घरमा आगजनी सुरु भएको र क्रमशः सबै घर आगोले ध्वस्त बनाएको छ।आगजनीले घरमा रहेको आन्नपात , लत्ताकपडा सहित केही खरखजाना समेत नष्ट भएको पीडित तेज बहादुर परियारले दुखेसो पोखे।डाँडा एकान्तमा रहेको पाँच ओटा घरमा आगजनी हुँदा आसपासको एरियामा पानीको सुबिधा नभएकोले भेला भएका सर्वसाधारण तथा सुरक्षाकर्मी पनि मुक दर्शक हुनुपरेको नेपाल रेडक्रस सोसाइटी ठोरी उपशाखाका सभापति प्रकाश खनालले बताए।

आगलागी पीडितहरुलाई तत्काल राहतकालागि रेडक्रस ठोरी उपशाखाले अत्यावश्यक राहत सामग्री उपलब्ध गराइने सभापति खनालले बताए।आगजनीको सुचना पाएपछि घटना स्थलमा पुगेको तर पानीको असुबिधाका कारण आगो नियन्त्रणमा लिन असहज भएको ईलाका प्रहरी कार्यलय ठोरीका प्रहरी सहायक निरीक्षक विदुर कुमार राईले जानकारी दिनु भयो ।आगलागीबाट मानवीय क्षति तथा पशु चौपाया क्षति भने नभएको समेत राईले जानकारी दिए।