• Home
  • समाचार
  • देश
  • मधेश
  • मुख्य समाचार
  • Breaking News
  • वीरगंज संजाल बिशेष
  • राजनीति
  • विश्व
  • स्वास्थ्य
  • विचित्र संसार
  • दैनिक पत्रिका-e-Papper
आज:
    • समाचार
      • मुख्य समाचार
      • राजनीति
      • बिशेष
    • प्रदेश
      • प्रदेश नं.१
      • मधेश
      • बागमती
      • गण्डकी
      • लुम्बिनी
      • कर्णाली
      • सुदूरपश्चिम
    • विश्व
    • स्वास्थ्य
      • पोषण
      • सौन्दर्य
      • जीवनशैली
    • शिक्षा समाचार
      • अन्तर्वार्ता
      • कविता
    • Tech News
      • Mobile Phones
      • विचित्र संसार
    • खेलकुद
      • देश
      • विदेश
    • अर्थतन्त्र
      • बैंक
      • बिजनेस
      • बाणिज्य
    • अन्य
      • दैनिक राशिफल
      • Birthday/Anniversary
      • दैनिक पत्रिका
    होमपेज / देश

    कोरोनाको नेपाल भ्रमण

  • वीरगंज संजाल
  • २४ फाल्गुन २०७६, शनिबार ११:१२
  • ५६०७

    चीनमा जन्मेको कोरोनाले नेपालीहरु ज्याद्रा छन् भन्ने सुनेपछि  नेपालीका विषयमा विस्तृत जानकारी संकलन ग¥यो । नेपालीले चीनमा बनेका मालवस्तु औधी मन पराउँछन् भन्ने कुरा कोरोनाले सबैभन्दा पहिले थाहा पायो । साथै थाहा पायो, नेपालीले बातबातमा भन्ने गरेको उखान जस्तो ‘मेड इन चाइना, आज छ भोलि छैन’ भन्ने वाक्यांश पनि ।

    चाइनिज सामान टिक्दैन भन्ने उखानै बनाए पनि सबै नेपालीको आङ चिनियाँ कपडाले ढाकिएको कुरा कोरोनाले थाहा नपाउने कुरा भएन । तर यति धेरै जानकारी पाउँदासम्म पनि कोरोनाले नेपालीसित अहिलेसम्म उठबस र संगत गर्न पाएको थिएन । त्यसैले, कोरोना तत्कालै एकपटक नेपाल भ्रमण गर्ने निधोमा पुग्यो । हिँडेर जाउँ भने भारतबाट जस्तो सजिलो नाका छैन । त्यसैले कोरोनाले हवाई यात्रा गर्ने निर्णय गर्‍यो ।

    सीडीओ कार्यालयबाट उर्दी आएको रहेछ, ‘होली नखेल्नु, घरबाट बाहिर ननिस्कनू ।’ अनि प्रदेश र पालिकाहरुले त औषधी नै बनाएछन्, ‘कोरोनाबाट बच्न बेसार, लसुन र बोझो खानु ।’

    अरु देशमा जस्तो जहाज चढेर नेपाल जाँदा गाह्रो नहुने रहेछ । अरु देश जाँदा त विमानस्थल बाहिरदेखि जहाजभित्रैसम्म औषधी छेपेर हैरान पार्ने । नेपाल जाने जहाजमा त यात्रुका मालसामान बढी जाँच गर्ने रहेछन्, कोरोनाको मतलब नै छैन ।

    कोरोना निर्धक्क जहाजबाट त्रिभुवन विमानस्थल ओर्लियो । विमानस्थलमा चाहिँ यसो जाँच गरेजस्तो गर्दा रहेछन् । खेतबारीमा चरो तर्साउन राखिने बुख्याँचा जस्तो ज्वरो नाप्ने मेसिन । मान्छेलाई अलमल पारे पनि कोरोनालाई रौंजति पनि छुन नसक्ने । विमानस्थलबाट बाहिरिन पनि गाह्रो भएन ।

    ‘चैत ५ गतेसम्म परीक्षा सक्नु, अनि बिदा दिनु’ शिक्षा मन्त्रालयको निर्देशन । त्यो देखेर कोरोनालाई लाग्यो, ‘ए चैत ५ गतेसम्म चाहिँ केही हुन्न, त्यसपछि कोरोना आउन सक्छ भनेका होलान् । कति ढुक्क, कति जान्ने नेपाली ! मिति नै तोकेर यतिबेलासम्म सक्नू, त्यसपछि मात्रै हो कोरोना लाग्ने भन्ने जानकारी ! यहाँ आफू आइसकें भन्ने चाहिँ यिनलाई के थाहा !’

    ‘हैन नेपालीलाई किन कोरोनादेखि डर छैन ? न जहाजमा पस्ने बेला कडा जाँच, न विमानस्थलबाट बाहिरिने बेला सोधीखोजी र छेकबार ?’ कोरोनालाई आश्चर्य लाग्यो ।
    अचम्म मान्दै हिँडिरहेको बेला बाटोमा बुङ्बुङ्ती धुलो उड्न थाल्यो । ‘ओहो कस्तो धुलो ? धुवाँ उस्तै पिरो । धुवाँ र धुलोले निस्सासिएर मरिएला जस्तो ।’ बाटोमा हिँडिरहेको कोरोना बल्लतल्ल धुलो र धुवाँबाट उम्कियो । आँखा मिच्दै सडक छेउमा उभियो । उताबाट एउटा टिप्पर बेतोडले आउँदै रहेछ । अघिपछि, दायाँबायाँ, छेउकुना कतै नहेरी कुदेको टिप्परले झण्डै ठक्कर दिएन । कोरोना झसङ्ग भयो ।

    ‘ओहो नेपाल त अरु देशजस्तो सजिलो हैन रहेछ । धुवाँधुलोले नै मरिएला भन्ने डर । धुलोधुवाँबाट जोगिएमा पनि टिप्परले हानेर मार्ला भन्ने डर । धन्न टिप्परबाट पनि जोगियो ।’

    एकछिन अझै घुमौं न त भनेर कोरोना संसद भवन छिर्यो । छिर्नेबित्तिकै देखियो गाँजा विधेयक ! गाँजा अर्थात भगवानको प्रसाद । त्यहाँमाथि काठमाण्डौमा जता हिँड्यो उतै भगवान । विमानस्थलको छेउमै पशुपतिनाथ भगवान । त्यहाँबाट परतिर गए बाटैभरि भगवान । अनि संसदमा त्यही भगवानको प्रसाद गाँजा विधेयक । भगवानलाई त लट्ठ पार्ने गाँजाले आफ्नो हालत झन् के होला ? गाँजा विधेयकको कागज देख्नेबित्तिकै कोरोना तर्सिएर हिँड्यो ।

    त्यहाँबाट सरकारी कार्यालय पुग्यो । कार्यालयको झ्यालबाहिर सेवाग्राहीको भिड, भित्र कर्मचारीको आफ्नै सुर । बातैपिच्छे ‘आज होइन, भोलि आउनुहोस्’ भन्दा रहेछन् । अनि त्यो भोलि चाहिँ कहिल्यै नआउने रहेछ । झ्यालमा उभिएका कोरोनालाई पनि सरकारी कर्मचारीले हेर्दै नहेरी भने, ‘आज होइन, भोलि आउनु ।’
    ‘म अरुजस्तो होइन, कोरोना भाइरस हुँ’ भन्न लागेको थियो, तर आँट आएन । त्यसमाथि सरकारी कार्यालय, विभाग, मन्त्रालयदेखि पालिकासम्मले कोरोनाको जोखिमबाट बच्न भन्दै थरीथरीका निर्देशन र निर्णय भएका रहेछन् ।

    ‘चैत ५ गतेसम्म परीक्षा सक्नु, अनि बिदा दिनु’ शिक्षा मन्त्रालयको निर्देशन । त्यो देखेर कोरोनालाई लाग्यो, ‘ए चैत ५ गतेसम्म चाहिँ केही हुन्न, त्यसपछि कोरोना आउन सक्छ भनेका होलान् । कति ढुक्क, कति जान्ने नेपाली ! मिति नै तोकेर यतिबेलासम्म सक्नू, त्यसपछि मात्रै हो कोरोना लाग्ने भन्ने जानकारी ! यहाँ आफू आइसकें भन्ने चाहिँ यिनलाई के थाहा !’

    सीडीओ कार्यालयबाट उर्दी आएको रहेछ, ‘होली नखेल्नु, घरबाट बाहिर ननिस्कनू ।’ अनि प्रदेश र पालिकाहरुले त औषधी नै बनाएछन्, ‘कोरोनाबाट बच्न बेसार, लसुन र बोझो खानु ।’

    गाउँगाउँमा धामीझाँक्री र वैद्य । घरघरमा डाक्टर । जता हेर्यो, उतै सूचना र ओखतीमुलोको विधि । ‘सचेत हुनुहोस्, सुरक्षित हुनुहोस्, टिमुर, कागती, बोझो, हर्रो, बर्रो जस्ता जडिबुटी मिसाएर गेडागुडीको झोल प्रशस्त खानुहोस् । गुर्जोको झोल दुई तीन दिन बिराएर एकपटक पिउनुहोस् । गाईको पिसाब थोरै मात्रामा राखेर पानीमा मिसाएर दुई तीन दिन बिराएर सेवन गर्नुहोस् । कोदो, मकै, फापर जस्ता स्थानीय उत्पादन र विषादी नमिसिएका सागसब्जी फलफुल सेवन गर्नुहोस् । हुलमा नजानुहोस, हात नमिलाउनुहोस् ।……’

    यति मात्र हो र, ‘यहाँ कोरोनाको उपचार गरिन्छ’, ‘यहाँ कोरोनाको औषधी पाइन्छ’ पनि भनेर लेखिएका । कति ठाउँमा त कोरोनाबिरुद्ध र्याली नै निस्केका । अनि कोरोना भनेर परीक्षणमा राखिएका जति सबैको रिपोर्ट नेगेटिभ । रिपोर्ट आउन बाँकी भएका चाहिँ अस्पतालबाटै कुलेलम ।
    ओहो नेपालीलाई त्यसै बहादुर भनेको होइन रहेछ, बिरामी नै अस्पतालबाट बेपत्ता हुन सक्ने । त्यसै बिद्वान भनिएको हैन रहेछ, कोरोनाको ओखती र जडिबुटी नै पत्ता लगाउन सक्ने । साह्रै ज्याद्रा नेपाली !

    लुकीलुकी घुमिरहँदा पनि सुनपानी छर्केर र फूमन्तर गरेर मार्लान् भन्ने डर ! जता फर्के पनि डर र त्रासमा फसेपछि चीनबाट आएको कोरोना नेपाल भ्रमणका सबै कार्यक्रम स्थगित गरि टाउको लुकाएर बसेको छ ।

    अस्तिताकासम्म मास्क लगाउने एक दुई जना मात्रै हुन्थे । अहिले पसलमा मास्क खोज्नेको ठेलम्ठेल । दुई रुपैयाँमा पाइने मास्कको भाउ बढेर १०० रुपैयाँसम्म पुगेछ । मास्क नै पाइएन भन्दै हातले मुख छोपेर पसलबाट फर्कने नेपाली ज्याद्रा ! यति महंगोमा पनि कसैले किन्छ भनेर पसलेलाई गाली गर्दै हिँड्ने नेपाली ज्याद्रा ! अनि दुई रुपैयाँको मास्कबाटै लखपती हुन खोज्ने पसले ज्याद्रा !

    मास्क लगाएर हिँड्ने चाहिँ त्यसैत्यसै मख्ख छ । सुनको गहना पाएजस्तो । मास्क लगाएपछि कोरोना नै तर्सिएर भाग्छ भनेजस्तो !
    त्यसमाथि हात मिलाउन र अँगालो मार्नै छोडेछन् । मन्त्रालयदेखि खेल मैदानसम्म नमस्कारको चलन फर्किएछ । कतिका घरमा त श्रीमान श्रीमती पनि सँगै सुत्न छाडेछन् ।

    सडकदेखि सरकारी कार्यालयसम्म, बेडरुमदेखि मन्त्रालयसम्म, केन्द्रदेखि पालिकासम्मको तयारी देख्दा कोरोना तीन छक्क पर्यो । फेसबुक, ट्वीटर लगायतका सामाजिक सञ्जाल त झन् हेरिनसक्नु भैसकेछ । मोबाइल र कम्प्युटर खोल्नेबित्तिकै नेपालीकोभन्दा बढी सातो आफ्नो चाहिँ जाला भन्ने डर !

    घरघरमा डाक्टर र जान्नेसुन्ने मान्छे । सडकमा धुलोधुवाँ र टिप्परको आतँक । जँचाउन मान्नेजति सबैको रिपोर्ट नेगेटिभ, नमान्नेजति अस्पतालबाटै कुलेलम । जताततै भगवानको बास । जडिबुटी, ओखतीमुलोको भण्डार । विद्वान र बहादुरहरुको देश । सुनपानी, खरानी र फूमन्तरले भूतप्रेत भगाउन सक्ने मान्छे ।

    लुकीलुकी घुमिरहँदा पनि सुनपानी छर्केर र फूमन्तर गरेर मार्लान् भन्ने डर ! जता फर्के पनि डर र त्रासमा फसेपछि चीनबाट आएको कोरोना नेपाल भ्रमणका सबै कार्यक्रम स्थगित गरि टाउको लुकाएर बसेको छ ।

    प्रतिक्रिया दिनुहोस


    सम्बन्धित समाचार
  • सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी
  • अमेरिकाले वैदेशिक सहयोग कटौती गर्दा १ करोड ४० लाखको ज्यान जाने खतरा
  • सिरहामा १८ प्रतिशत धान रोपाइँ
  • प्रत्येक नागरिकलाई स्वच्छ खानेपानी र सरसफाइमा पहुँच हुनुपर्छ: प्रधानमन्त्री
  • समाचार खोजनको लागि याहा

    • पछिल्ला
    • मुख्य
    • लोकप्रिय

    सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी

    अमेरिकाले वैदेशिक सहयोग कटौती गर्दा १ करोड ४० लाखको ज्यान जाने खतरा

    सिरहामा १८ प्रतिशत धान रोपाइँ

    प्रत्येक नागरिकलाई स्वच्छ खानेपानी र सरसफाइमा पहुँच हुनुपर्छ: प्रधानमन्त्री

    सुनचाँदी व्यवसायीहरुको माग जायज : नेता निधि

    ‘प्रतिनिधिसभाबाट सन्देशसहित प्राप्त केही नेपाल ऐन संशोधन गर्ने विधेयक, २०८० लाई पारित गरियोस्’ भन्ने प्रस्ताव पारित

    चालीस लाखभन्दा बढीको चिनी नष्ट

    वीरगन्जबाट हुण्डीको २८ लाख रकमसहित तीन जना पक्राउ

    वीरगन्ज महानगरले मेनरोड विस्तारका लागि थालेको काम तत्काल रोक्न घरधनीहरुको माग

    नक्कली प्रहरी बनेर डकैति गरेको आरोपमा दुई जना पक्राउ

    सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी

    अमेरिकाले वैदेशिक सहयोग कटौती गर्दा १ करोड ४० लाखको ज्यान जाने खतरा

    सिरहामा १८ प्रतिशत धान रोपाइँ

    प्रत्येक नागरिकलाई स्वच्छ खानेपानी र सरसफाइमा पहुँच हुनुपर्छ: प्रधानमन्त्री

    सुनचाँदी व्यवसायीहरुको माग जायज : नेता निधि

    बारामा प्रहरी र स्थानीय बिच झडप ,हवाई फायर ,एक गम्भीर

    वीरगंज अन्तर्गत पर्ने अलौंमा सशस्त्र प्रहरी द्वारा एक राउण्ड हवाई फायर

    सुर्खेतमा मंगलबार थपिए १२ संक्रमित

    स्वास्थ्य मन्‍त्रालयको नियमित पत्रकार सम्मेलन (लाइभ)

    रौतहटमा एकैदिन थपिए ५६ जना कोरोना संक्रमित

    वीरगञ्जको आदर्शनगरका थप एक जनाको कोरोना संकमणबाट मृत्यु

    काेराेनाबाट वीरगञ्जमा थप एक महिलाको मृत्यु

    कोरोना रोकथाम र नियन्त्रणमा कहाँ चुक्यो सरकार ?

    समाचार
    News

    सरकारले आन्तरिक रोजगारको प्रवद्र्धनमा काम गरिरहेको छ : मन्त्री भण्डारी

    News

    अमेरिकाले वैदेशिक सहयोग कटौती गर्दा १ करोड ४० लाखको ज्यान जाने खतरा

    News

    सिरहामा १८ प्रतिशत धान रोपाइँ

    News

    प्रत्येक नागरिकलाई स्वच्छ खानेपानी र सरसफाइमा पहुँच हुनुपर्छ: प्रधानमन्त्री

    News

    सुनचाँदी व्यवसायीहरुको माग जायज : नेता निधि

    < a href="https://birgunjsanjal.com/">

    पत्राचार ठेगाना

    विरगंज स्ंजाल
    ठेगाना - अलौं,वीरगंज-१७ , नेपाल
    सम्पादक/प्रकाशक -कृष्ण कुमार श्रीवास्तव
    प्रबंधक निदेशक -बलिराम श्रीवास्तव
    सम्पर्क ईमेल –[email protected]
    सम्पर्क न +977-9869096688
    जि.प्र.का. दर्ता नम्बर : 300/078/079
    जि.हु.का.प.दर्ता न. : १८६/०७८/७९
    पेन न : न. : 109761983

    फेसबुक

    2025: वीरगंज संजाल तपाईंको आफ्नो न्युज | बिज्ञापन | सम्पर्क | हाम्रो बारेमा Designed by: GOJI Solution
    ↑