कोरोनाभाइरस (COVID-19) को सङ्क्रमण विश्वभर फैलिने क्रम जारी छ । कोरोनाको उदगम मानिएको र अत्यधिक संक्रमित तथा मृतक संख्या अत्यधिक देखिएको चिनको वुहान शहरको जीवन अझै बन्दकोठा नै सिमित भएको छ भने इरान, दक्षिण कोरिया तथा रोम (इटली) मा संक्रमीत र मृत्युको संख्या ह्वात्त बढेको छ ।

हिजो ५ मार्च २०२० नेपाली समय अनुसार रातको ११ः३० बजेसम्ममा विश्वभर झण्डै ३,२८० जनाको मृत्यु भइसकेको छ भने ९५ हजार २७० जना मानिस सङ्क्रमित भेटिएका छन् ।

चीनबाट सुरु भएको कोभिड-१९ अर्थात् नयाँ कोरोनाभाइरसको सङ्क्रमण नियन्त्रण गर्न सबै देशले विभिन्न उपाय अपनाएका छन् । एकाएक संक्रमणमा परेकाहरुको मृत्युको सङ्ख्या ह्वात्तै बढेपछि इटलीमा १० दिन विद्यालय बन्द गर्ने निर्णय आजै इटलीले गरेको छ ।

कोरोनाभाइरसको संक्रमणमा परि बिरामी भएका तथा मृत्युवरण गर्नेहरुको सर्वाधिक सङ्ख्या चीनमा छ ।विश्व स्वास्थ्य सङ्गठन (डब्ल्यूएचओ) ले हालसम्म कोरोनाभाइरस सङ्क्रमणलाई विश्वव्यापी महामारीका घोषणा गरेको छैन । तर बुधवार जर्मनीका स्वास्थ्यमन्त्रीले अब उक्त भाइरस सङ्क्रमणलाई महामारीको परिभाषामा राख्न सकिने बताएका छन् ।

विश्व स्वास्थ्य क्षेत्रको लागि जटिल उत्तर बनेको कोरोनाभाइरसबाट संक्रमण र त्यसबाट हुने मृत्यु रोकिएको छैन । कुन देशमा कति जनालाई सङ्क्रमण र कति जनाको मृत्यु भएको छ त? यसबारे ताजा जानकारी विश्व स्वास्थ्य सङ्गठनको ताजा (२०२० मार्च ५) तथ्याङ्कसहितको यस नक्शामा ।

यो तथ्याङ्क सहितको नक्सा ‘विश्व स्वास्थ्य सङ्गठन’को आधिकारीक वेबसाइटबाट साभार गरिएको हो र यो सामाग्री हरेक दिनको लागि ताजा तथ्याङ्क नहुन पनि सक्छ ।