वीरगन्ज | पर्साबाट प्रकाशित हुदै आएको पत्र–पत्रिकाहरुका सम्पादकहरुको भेला मंगलवार वीरगन्ज स्थित नेपाल पोष्ट डेली प्रत्रिकाको कार्यालयमा सम्पन्न भएको छ । भेलाले प्रतिक दैनिकका सम्पदाक प्रताप श्रेष्ठको समयोजकत्वमा ११ सदस्यीय दैनिक पत्र–पत्रिका सम्पादक समाज गठन गरेको छ । नव गठित समितिको सह–संयोजकमा मनोज पटेल उप–सम्पादक नेपाल पोष्ट डेली, सचिवमा एसके चौरसिया प्रतिफल दैनिकलाई चयन गरेको छ ।
त्यसै गरी समाजका कार्य समिति सदस्यमा कुलनारायण प्रधान (न्यु पर्सा दैनिक), अनुप तिवारी सम्पादक (वाईपास दैनिक), जगत राई नारायणी (टुडे दैनिक), विनोद परियार (जन भण्डाफोर दैनिक), अखिलेश प्रसाद साह (वीरगन्ज न्युज २४ दैनिक),मनोरञ् जन यादव (व्रह्मात्र दैनिक), अजय चौरसिया (भोजपुरी टाईम्स दैनिक) र नरेश शर्राफ सह सम्पादक राष्ट्रिय सहारा दैनिक रहेका छन् ।
समाजका पदाधिकारी तथा सदस्यहरुलाई कार्यक्रमका सभापती कुलनारायण प्रधान दिलिप प्रधान नेपाल पत्रकार महासंघ पर्साका उपाध्यक्ष अनुप तिवारी र महासंघ प्रदेश नं. २ का सदस्य जगत राईले अवीर पहिराएर शुभकामना मन्तव्य व्यक्त गरेका थिए । समाजले छिटै पर्साबाट प्रकाशित पत्र–पत्रिकाका सम्पूर्ण सम्पादकहरुको भेला गर्ने जनाएको छ । । भेलाले समाजको सल्लाहकार समितिमा किरणराज पाण्डे र महेशचन्द्र गौतमलाई चयन गरेको छ ।
