सप्तरी । प्रहरीको टोलीले ठूलो परिमाणमा अवैध सुनसहित मंगलबार दुई जनालाई पक्राउ गरेको छ । प्रहरी ले शहीद चोकबाट १९ तोला ९७ लाल सुनसहित लहान नगरपालिका वडा नम्बर १९ का मोहम्मद मोतिउल रहमान र मोहम्मद मुचुजालाई पक्राउ गरेको हो ।

.उनीहरुलाई को ३८ प २६३२ नम्बरको मोटरसाइकलमा सुन लिएर गुडिरहेको अवस्थामा पक्राउ गरिएको प्रहरी नायव उपरीक्षक विनोद घिमिरेले जानकारी दिनुभयो ।  जिल्ला प्रहरी प्रवक्रा घिमिरेका अनुसार मोटरसाइकल चेक गर्दा दुबैको साथबाट सुनको चार वटा चेप्टो टुक्रा गोलो बनाई लुकाइछिपाइ राखेको अवस्थामा भेटिएकोे हो । उनीहरुको साथबाट बरामद भएको सुन करिब १५ लाख ५८ हजार रुपैयाँ बराबरको हो ।

यस्तै प्रहरीको टोलीले सिरहाको कर्जन्हा नगरपालिका–३ जनक चोकबाट लागुऔषधसहित धनुषाको गणेशमान चारनाथ नगरपालिका–५ टडिया निवासी ३४ वर्षीय तीर्थबहादुर कार्कीलाई पक्राउ गरेको छ ।

इलाका प्रहरी कार्यालय बन्दीपुर सिरहाबाट खटिएको टोलीले स १०प ३४०२ नम्बरको मोटरसाइकलमा सवार कार्कीलाई डाइलेक्स डिसी पाँच बोतल, नाइट्रोभेट ट्ययाब्लेट २२ पिस, स्पास्मो ट्याब्लेट १५ पिस लागुऔषधसहित पक्राउ गरेको हो ।