वीरगंज । पर्साको कालिकामाई गाउँपालिका वडा नम्बर ४ कट्टी बलुवामा नि:शुल्क स्वास्थ्य शिविर सुरु भएकाे छ । राधाकृष्ण मठमा सुरु भएकाे शिविरको एक कार्यक्रमका बिच वडा नम्बर ४ का वडाअध्यक्ष हरिओम साह कलवारले उद्घाटन गरेका छन् ।

वडासदस्य बाबुलाल दास तात्वाको अध्यक्षतामा भएको उदघाटन समारोहमा श्री नेपाल राष्ट्रिय आधारभुत बिधालय कट्टी बलुवाका ब्यवस्थापन समिती अध्यक्ष वकिल मियाले स्वागतमन्तब्य तथा शिविरको उद्देश्यकाे बारेमा प्रकाश पारेका थिए ।

स्थानियहरुको चन्दा संकल्नबाट आयोजना गरिएको शिविरमा बिभन्न रोगका ६ जना बिशेषज्ञय डाक्टरहरुद्वारा चेकजांच गरिने छ ।

राधाकृष्ण मठ सुर्जाहा कट्टी, श्री नेपाल राष्ट्रिय आधाभुत बिधालय कट्टी बलुवाको ब्यवस्थापन समिती र स्थानियहरुको आयोजनामा संचालित शिविरको उद्घाटन समारोहमा समाजसेवी उमेश बैठा, दिपेन्द्र चौहान, नन्दु दास र डा. उदनारायण दासले शुभकामना मन्तब्य राखेका थिए । Kalikatimes