सिरहा | सिरहामा एक बालकको शव पोखरीमा डुबेको अवस्थामा फेला परेको छ । सिरहाको कल्याणपुर नगरपालिका ३ इटारीपर्साहीका राजकुमार मण्डलको छोरा ३ वर्षीय अयुष मण्डल आज शुक्रवार विहान पोखरीमा मृत फेला परेको हो ।बिहीबार छिमेकीको विवाह रहेकाले कतिखेर हराएको भन्ने एकीन नभएपनि साँझमा बच्चा खोज्दा फेला नपरेको स्थानीय जगदिश मण्डलको भनाइ छ ।

बच्चा नभेटिएपछि रातभरी खोज तलास गरेपनि विहानमात्र पोखरीमा फेला परेको जिल्ला प्रहरी कार्यालय सिरहाका सुचना अधिकारी तथा प्रहरी नायव उपरीक्षक विनोद घिमिरेले जानकारी दिए ।डिएसपी घिमिरेका अनुसार अहिले सम्म बच्चा आफै खेल्दै जाने क्रममा डुवेको हुन सक्ने अनुमान गरेपनि घटनाबारे थप अनुसन्धान भईरहेको बताए ।