विराटनगर । मोरङको रंगेली नगरपालिका ७ स्थित चिस्याङ खोलामा रहेको संसारीमाई मन्दिरका सामग्री चोरी भएको छ ।

संसारीमाई मातालाई लगाएका चाँदीका गहना, पितलको मुर्ति, गणेशको प्रतिमा र अन्य गहरगहना चोरी भएका छन् । मन्दिरमा राखिएको ५० तोलाको छत्रसहित १ थान मुकुट, ३ थान त्रिशुल, ३ थान सिक्री र गणेशको मुर्ति चोरी भएको मन्दिर समितिले जनाएको छ ।

बिहीबार राति १० बजेर ५४ मिनेटमा मन्दिर चोरी भएको मन्दिरमा जडान गरेका सिसि क्यामेरामा देखिएको छ । इलाका प्रहरी कार्यालय रंगेलीका प्रहरी निरिक्षक लेखनाथ दाहालले मन्दिरमा जडान रहेको सिसि क्यामेरामा घटना रेकर्ड भएकाले फुटेजका आधारमा घटनाको सुक्ष्म अनुसन्धान भइरहेको जानकारी दिनुभयो । News 24