बारा । १० वर्षीय बालकलाई अपरहण गरेको अभियोगमा २ जनालाई प्रहरीले पक्राउ गरेको छ । अपहरणमा परेका ती बालकको कलैया उपमहानगरपालिका २४, श्रीपुरस्थित सडकबाट प्रहरीले उद्धार गरेको छ ।

पक्राउ पर्नेमा वीरगन्ज महानगरपालिका १४, गण्डक बहुअरीका रमेश राम र बारा प्रसौनी गाउँपालिका ५, प्रस्टोका राजु राम छन् । गत शुक्रबार आफू पढ्ने स्कुलमा सरस्वती पूजाको बिसर्जन गर्न गएका ती बालक घर फर्की नआएको भन्ने खबर प्राप्त हुनासाथ इलाका प्रहरी कार्यालय प्रसौनी बाराबाट खटिएको प्रहरीले खोजी गर्ने क्रममा रामले अपहरणका मुख्य योजनाकार राजुलाई बुझाउन लाँदै गरेको अवस्थामा फेला पारी बालकको उद्धार गरेको हो ।

रामलाई नियन्त्रणमा लिई सोधपुछ गर्दा उनकै मामा राजुले बालकलाई ललाइफकाई अपहरण गरी ल्याउनू भनी नगद ५० हजार रुपैयाँ दिन्छु भनेपश्चात् अपहरण गरेको खुल्न आएको थियो । उनीहरूमाथि अपहरण तथा शरीर बन्धक मुद्दामा थप अनुसन्धान भइरहेको जिल्ला प्रहरी कार्यालय बाराले जनाएको छ ।baahakhari