पोखरिया  | पर्साको जगरनाथपुर गाउपालिकाबाट आज बिहान प्रहरीले ५ वटा मोटरसाईकल सहित ४ जना कुखुरा तस्करलाई ३ क्वीन्टल ५० किलो कुखुरा सहित पक्राउ गरेको छ ।

सुचनाको आधारमा ईलाका प्रहरी कार्यालय पोखरीया र जानकीटोला प्रहरी चौकीको संयुक्त टोलीले भारतबाट ल्याईरहेको अवस्थामा पक्राउ गरेको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले बताउनु भएउयाे ।

जगरनाथपुर गाउपालिका वडानम्बर २ दसौताको सडकबाट ना. ६ प. ८४०२, ना. ६ प. ७९९६, ना.२ प. २६३०, ना. ७ प. ७७४१ , गा. १ प. ९०१५ नम्बरको मोटरसाईकलमा लोड गरी भारतबाट ल्याईरहेको अवस्थामा १ सय ३० वटा कुखुरा तौल गर्दा ३ कवीन्टल ५० किलो रहेकाे छ।

बहुदरमाई नगरपालिका १ निवासी रबि बानिया, वडानम्बर ५ नसुरीन मिया, तबरेल आलम र सागिर आलमलाई मोटरसाईकल र कुखुरा सहित पक्राउ गरी ईलाका प्रहरी कार्यालयमा राखिएको र आवश्यक कार्यवाही अगाडी बढाउने प्रहरी निरिक्षक चन्द्र कुमार सिंहले बताउनु भएको छ ।