चीन । चिनियाँ राष्ट्रपति सी जिन्पिङले कोरोनाभाइरस विरुद्धको लडाँइमा आफुहरुले जित हासिल गर्नेमा विश्वस्त रहेको बताउनु भएको छ । भाइरसका कारण धेरैसंख्यामा आफ्ना नागरिकको मृत्यु भएपछि राष्ट्रपतिले सो विश्वास प्रकट गर्नुभएको हो ।

चीन भ्रमणमा रहेका विश्व स्वास्थ्य संगठनका महानिर्देशक टेड्रोस एड्हानोम गहब्रहयसस सँगको भेटवार्तामा राष्ट्रपति सी ले कोरोनाभाइरस सङ्क्रमण फैलन रोक्ने कामको निर्देशन आफ्नै अगुवाइमा भइरहेको बताउनुभयो ।



साथै चीनका एकजना स्वास्थ्य विज्ञ जोङ नान्सानले सरकारी सञ्चारमाध्यममा अबको दश दिनमा सङ्क्रमण फैलनबाट रोकने बताउनुभएको छ ।
कोरोनाभाइरस सङ्क्रमणको केन्द्रमा रहेको हुबेइ प्रान्तका अधिकारीहरूले त्यहाँ थप २५ जनाको ज्यान गएको र थप ८ सय सङ्क्रमण भएको आँकडा समेत दिएको छ ।