काठमाडौं । नेपाली बजारमा सोमबार सुनको मूल्य घटेको छ भने चाँदीको मूल्य स्थिर रहेको छ । नेपाल सुनचाँदी व्यवसायी महासंघले दिएको जानकारी अनुसार आइतबार प्रतितोला ७५ हजारमा कारोबार भएको सुन सोमबार प्रतितोला दुई सय रुपैयाँ घटेको हो ।

महासंघका अनुसार आज बजारमा छापावाला सुन प्रतितोला ७४ हजार आठ सय र तेजावी सुन प्रतितोला ७४ हजार पाँच सय रुपैयाँमा कारोबार भइरहेको छ ।

सुनको मूल्य घटे पनि चाँदीको मूल्य भने स्थिर छ । आइतबार प्रतितोला ८९०  रुपैयाँमा कारोबार भइरहेको चाँदी आज पनि सोही मूल्यमा कारोबार भइरहेको महासंघले जनाएको छ ।  Baahrakhari