एजेन्सी । इरानले अमेरिकी सैनिक क्याम्पमाथि फेरि मिसाइल आक्रमण गरेको छ । आइतबार इराकमा रहेकाे अमेरिकी गठबन्धन सेनामाथि आधा दर्जन मिसाइल आक्रमण गरेको हो ।

टाइम्स डट कमको अनुसार उक्त आक्रमणमा चारजना इराकी सेना घाइते भएका छन् । इरानले अमेरिकी सेनाको इराकस्थित बेस क्याम्पमा मोर्टार बम (मिसाइल) प्रहार गरेको हो ।

अमेरिकी गठबन्धन सेनाका प्रवक्ताका अनुसार आक्रमणका क्रममा उक्त क्याम्प अमेरिकी थिएनन् । इरानका उच्च सैन्य कमाण्डर कासिम सुलेमानीको अमेरिकी हवाई आक्रमणमा मृत्यु भएपछि अमेरिका र इरानबीच द्वन्द बढ्दै गएकाे छ ।

अमेरिकाले सुलेमानी मारिदिएपछि इरानले त्यसको प्रतिशोधमा गत बुधबार इराकमा रहेका अमेरिकाका दुईवटा सैनिक क्याम्पमा १२ वटा भन्दा धेरै मिसाइल आक्रमण गरेकाे थियाे ।

त्यसपछि अमेरिकाले इरानसँग वार्ता गर्न तयार रहेको बताउँदै आएको छ । दुई देशबीच तनाव चुलिएको भएपनि अमेरिकाले इरानसँग ‘बिनासर्त गम्भीर वार्ता’ गर्न तयार रहेको जानकारी संयुक्त राष्ट्रसंघलाई समेत गराएकाे छ । News 24