दोलखा । भीमेश्वर नगरपालिका–१, क्षमावतीको राम्पामा आइतबार बिहान टिपर दुर्घटना भएको छ । सिंगटीबाट चरिकोट आउँदै बा ४ ख ६११६ नम्बरको लोड टिपर आफैँ अनियन्त्रित भएर पल्टिएकाे थियाे । दुर्घटनामा ४ जना घाइते भएका छन् ।

दुर्घटनामा परेर कालिञ्चोक गाउँपालिका–८, मलेपुका ३६ वर्षीय विक्रम खड्का, ३५ वर्षीय देवकी माझी, ७५ वर्षीय नन्द माझी र १२ वर्षीय रश्मी माझी घाइते भएको दोलखा प्रहरी प्रवक्ता प्रहरी निरीक्षक रेशम बोहराले बताए ।

कालिञ्चोक गाउँपालिका–७ का ३५ वर्षीय चालक प्रदीप पकुवाल फरार रहेको प्रहरीले जनाएको छ । घातेहरूको चरिकोट प्राथमिक स्वास्थ्य केन्द्रमा उपचार भइरहेको छ । News 24