दाङ |  तुलसीपुर उपमहानगरपालिकामा मोटरसाइकल दुर्घटनामा एक महिलाको मृत्यु भएको छ।

बिहीवार राति सवा ८ बजे घोराहीबाट तुलसीपुरतर्फ आउँदै गरेको रा ५ प ८४२ नम्बरको मोटरसाइलक तुलसीपुरको बेलझुण्डीमा दुर्घटना हुँदा तुलसीपुर–११ की २४ वर्षीया पवित्रा डाँगी गम्भीर घाइते भएकी थिइन्।

तुलसीपुर–६ बरुवामा बस्दै आएकी उनको उपचारको क्रममा राप्ती लाइभ केयर हस्पिटल तुलसीपुरमा मृत्यु भएको इलाका प्रहरी कार्यालय तुलसीपुरका प्रवक्ता प्रहरी निरीक्षक चक्रबहादुर डम्मरपालले जानकारी दिए।

मोटरसाइकल चालक तुलसीपुर–९ बेलुवाका ४८ वर्षीय  कुलबहादुर डाँगी सामान्य घाइते भएका छन्। घाइते डाँगीलाई अनुसन्धानका लागि प्रहरीले नियन्त्रणमा लिएको जनाएको छ | Thahakhabar