तनहुँ, मंसिर १६ । तनहुँमा हालसम्म एचआइभी एड्सकाबाट ३७ जनाको मृत्यु भएको छ । मृत्यु हुनेकाे संख्या दमौली अस्पतालमा रहेको एआरटि शाखाले दिएको तथ्याङकमा उल्लेख छ ।
जिल्लामा अहिले तीन सय २८ जना संक्रमित रहेको शाखाले जनाएको छ । जसमा सबैभन्दा बढी पुरुष एक सय ६१ जना छन् । त्यस्तै एक सय ३९ जना महिला, एक तेस्रो लिङगी, १४ जना बालिका र १३ जना बालक रहेको शाखाकी ईन्चार्ज सुस्मिला खनालले जानकारी दिइन् ।
भारतमा मजदुरीका लागि जाने र असुरक्षित सम्बन्धको कारण फर्किंदा एड्स बोकेर आउने गरेको हुन सक्ने बताइएको छ । संक्रमित भएका मध्ये दुई सय ७ जनाले औषधि सेवन गरिरहेको खनालले बताइन्। जसमा एक सय जना पुरुष, ९३ जना महिला, आठ जना बालिका र ६ जना बालक रहेको उनले बताइन् ।
उनले भनिन्, ’रोगबाट संक्रमित भएका अरू धेरै भए पनि सामाजिक अवहेलनाले सार्वजनिक हुन मानेका छैनन् । त्यस्तै गत वर्ष २०७५/७६ मा तीन सय १२ जना एचआईभी एड्स बाट संक्रिमत भएका थिए । जसमा एक सय ९७ जाले औषधि सेवन गरेका थिए भने ६६ जनाले अन्य जिल्लामा बसाईसराई गरेका थिए ।
शाखाको तथ्याङक अनुसार एचआईभी एड्सको संक्रिमत हुनेको संख्या वर्ष पिच्छे बढ्दै गएको छ । यसै क्रममा विश्व एडस् दिवसको अवसर पारेर व्यास ३ मा रहेको अनसन चौतारीमा दिपप्रजलन गरिएको थियो ।
