निजगढ | महेन्द्र राजमार्गको निजगढ सडकखण्ड स्थित बुद्धचोक नजिकैको जमुना पैनीमा आईतवार ट्रकले किच्दा १४ वर्षिय एक बालकको घटनास्थलमैं ज्यान गएको छ ।मृत्यु हुनेमा निजगढ नगरपालिका ८ खयरघारीका करिव कार्की रहेको निजगढ प्रहरीले जनाएको छ । मृत्तक बालक सोही वडाको श्री बकैया ठाकुर आधारभूत विद्यालय कक्षा ७ मा अध्यायनरत थिए ।

नेपालगञ्जबाट विराटनगर तर्फ जादै गरेको ना ५ ख ८७६७ नम्बरको माल बहाक ट्रकबाट आज बिहान करिब १०ः४० बजे सो दुर्घटना भएको हो । मृत्तक बालक साईकलमा सवार थिए । घटनाको जानकारी पाउना साथ प्रहरी टोली केहीबेरमै घटनास्थल आई पुगेका थिए ।

दुर्घटना गराउने ट्रक र चालक इलाका प्रहरी कार्यालय निजगढले नियन्त्रणमा लिएको र अनुसन्धान शुरु गरिएको ईलाका प्रहरी कार्यालय निजगढका प्रहरी निरिक्षक विकास थपलियाले जानकारी थिए ।मृत्तक बालकको पोष्ट मार्टमको लागि चन्द्रनिगाहपुर अस्पतालमा लगिएको जनाएको छ ।