पर्सा | अत्यधिक चिसोका कारण कठ्यांग्रिएर मध्य तराईका तीन जिल्लामा चार जनाको मृत्यु भएको छ। चिसोका कारण धनुषा, पर्सा र बारामा चार जनाको मृत्यु भएको हो। जनकपुर उपमहानगरपालिका-२३ की ४४ वर्षीया सुनितादेवी कापडीको मृत्यु भएको छ।

बाराको जीतपुरसिमरा उपमहानगरपालिका-२३ स्थित मस्जिद टोलका ५५ वर्षीय स्माइलमेहा मन्सुलीको मृत्यु भएको छ।बारा र पर्सामा परिचय नखुलेका अन्य दुई जनाको शव फेला परेको छ। उनीहरूको शव पोस्टमार्टमका लागि पठाइएको प्रहरीले जनाएको छ।

दुई सातायता तराईमा बाक्लो हुस्सु चलिरहेको छ। घाम नलागेका कारण मध्य तराईका पर्सा, बारा, रौतहट लगायतका जिल्लामा अत्यधिक चिसो छ। चिसोले जनजीवन प्रभावित बनेको छ। setopati