सर्लाही ।  सर्लाही जिल्लाका दुइ छुट्टाछुट्टै स्थानमा भएको आगलागीबाट  करीब दुई लाख ६० हजारभन्दा बढीको धनमाल जलेर नष्ट भएको छ ।

मंगलबार जिल्लाको  रामनगर गाउँपालिका वडा न–७ सिसौटका रामअज्ञा बैठाको हार्डवेयर पसलमा  अचानक आगलागी हुँदा करीब एक लाख ८० हजार बराबरको सरसामान जलेर नष्ट  भएको छ ।

आगलागीबाट बैठाको पसलमा रहेको ८६ हजार नगद सहित  ल्यापटप १ थान, ग्यालेन्डर मेसिन १ थान, पंखा ३ थान, पलंग र आवश्यक कागजात जलेर नष्ट भएको जनाइएको छ ।

आगलागी के कति कारणले भएको हो ? खुल्न नसकेको जिल्ला प्रहरी कार्यालय मलंगवाले जनाएको छ । स्थानीयवासी र प्रहरीको सहयोगमा आगलागी नियन्त्रणमा लिइएको थियो ।

त्यस्तै सदरमुकाम मलंगवादेखि पश्चिम  केही दुरीमा रहेको  कौडेना गाउँपालिका वडा न–५ मा ब्रहम्देव ठाकुरको धानको कुन्यूमा आगलागी हुँदा करीब ८० हजार रुपैया  बराबरको क्षति भएको भएको छ । आगलागीको कारण  खुल्न नसकेको प्रहरीले जनाएको छ । mahottaripost