पर्सा । पर्साको कालिकामाई गाउँपालिका वडा नं. २ भेडिहारीमा २ पक्ष बिच झडप भएको छ । जग्गाको बिषयमा बुधबार भएको झडपमा परी २ जना घाइते भएका छन् ।

घाइते मध्ये रामेश्वर चोरसियाको उपचार वीरगंज हेल्थकेयरमा भइरहेको छ। भने अर्का घाइते गौरी चोरसियाकी श्रीमती उपचार पछि घर फर्कि सकेकी छिन् । रामेश्वर र गौरी पक्ष बिच जग्गाको बिषयमा विवाद हुदा झडप समेत भएको प्रहरीले जनाएको छ । दुबै पक्षले प्रहरी कार्यालयमा दोषी उपर कारवाहीको मांग गर्दै उजरी समेत दिएका छन् ।

रामेश्वर पक्षले जिल्ला प्रहरी कार्यालय पर्सामा र गौरी पक्षले इलाका प्रहरी कार्यालयमा उजुरी दिएको प्रहरी चौकी सबैठवाका प्रहरी सहायक निरिक्षक योगेन्द्र साहले वताए । उनका अनुसार दुबै पक्ष बिच जग्गाको बिषयमा विवाद हुदा समान्य झडप समेत भएको हो । झडपमा परी रामेश्वरको मुखमा चोट लागेको उलने वताए ।

दुबै पक्षलाई इलका प्रहरी कार्यालय पोखरियामा बसाएर मिलाउने पहल भइरहेको समेत उनले जानकारी गराए । रामेश्वरको अवस्था समान्य रहेको वीरगंज हेल्थ केयर अस्पतालले जनाएको छ