गुलरिया । पछिल्लो समय बर्दियाबाट लागूऔषध चरेस भारतका विभिन्न शहरहरुमा सप्लाई हुन थालेपछि बर्दिया प्रहरीले सक्रियता बढाएको छ ।यसैबीच जिल्ला प्रहरी कार्यालय बर्दियाले मंगलबार बर्दियाको फुटाहाबाट १७ किलो चरेससहित दुईजनालाई नियन्त्रणमा लिएको छ ।

प्रहरी चौकी जमूनीका इन्चार्ज प्रहरी नायब निरीक्षक धनबहादुर केसीको नेतृत्वको टोलीले फुटाहास्थित बल गाउँ जाने बाटोबाट मंगलबार बिहान पाँच बजे रोल्पाका २३ वर्षीय सजिन बिक र २४ वर्षीया निर्मला बुढालाई चरेससहित नियन्त्रणमा लिएको हो ।

यस अगाडि पनि बर्दिया जिल्लाको गुलरियाबाट ५८ किलो चरेस बरामद गरिएको थियो । पछिल्लो समय बर्दिया जिल्लाबाट खुल्ला सीमानाको फाइदा उठाउँदै लागूऔषध चरेस ओसार–पसार हुन थालेपछि त्यस क्षेत्रमा प्रहरीले सक्रियता बढाएको प्रहरी उपरीक्षक राजेश बास्तोलाले जानकारी गराए ।news24