सिरहा | प्रतिबन्धित लागुऔषधसहित दुई युवकलाई प्रहरीले नियन्त्रणमा लिएको छ । प्रहरी नियन्त्रणमा परेका सिरहाको भगवानपुर गाउँपालिका –५ बस्ने २१ वर्षीय मुकेश कुमार र सोही ठाउँका २५ वर्षीय संजय कुमार यादव रहेको जिल्ला प्रहरी कार्यालय सिरहाका प्रमुख प्रहरी उपरीक्षक (एसपी) उमाप्रसाद चतुर्वेदीले जानकारी दिनुभयो ।
जिल्ला प्रहरी प्रमुख चतुर्वेदीकाअनुसार छिमेकी मुलुक भारतबाट प्रदेश २ को ०१–००१ प ३४७१ नम्बर प्लेट भएको मोटरसाइकलमा सवार भइ नेपाल तर्फ आउने क्रममा सीमावर्ती क्षेत्र भगवानपुरबाट मंगलवार दिउसो १ः३० बजे जिल्ला प्रहरी कार्यालय सिरहा मातहात अन्तर्रगतका प्रहरी चौकी ठाड़ीबाट खटीएको प्रहरी टोलीले चेकजाँच गर्ने क्रममा पक्राउ गरेको उहाँले बताउनुभयो ।
नियन्त्रणमा लिएकाे उनीहरुकाे साथबाट डाईलेक्स डिसी १५ वोतल , डाईजेल्याब १८ पिस , प्रेमेथिन हाईड्राईड १८ पिस , नोरफिन १९ पिस र नाईट्रोभेट ३० पिससहितका लागुऔषधहरू बरामद भएको हो । नियन्त्रणमा लिएकाे यादव र कुमारलाई इलाका प्रहरी कार्यालय लहान (क) बाट आवश्यक अनुसन्धान कार्य भइरहेको जिल्ला प्रहरी प्रमुख चतुर्वेदीले बताउनुभयो ।
