वीरगन्ज | आईतवार विहान १ः३० बजेको समयमा पर्साको पर्टेवा सुगौलीमा गाउँपालिका वडा नं. १ मा रामभवरी वस्ने ईदु मिया धुनियाको बाख्रा फर्ममा अचानक आगलागी हुदा फर्ममा रहेको व्राखाका पाठा तथा व्राखाहरु जलेका छन् । आगलागीबाट करिब १५ लाख बराबरको क्षती भएको प्रराम्भिक अनुमान गरिएको छ ।

आगलागीलाई स्थनियहरु तथा प्रहरी चौकी रंगपुर टाँडी पर्साबाट प्रहरी टोली खटिएको प्रहरी टोलीको सहयोगमा विहान ३ : ३० बजे नियन्त्रणमा लइएको थियो । आगलागीमा सानो बाख्राको पाठा १८ वटा, सानो बाख्राको पाठी ११ वटा,ठुलो बाख्राको पाठा ८ वटा, ठुलो बाख्राको पाठी १५ वटा, महाराष्टबाट ल्याईएको बोका २ वटा,परेवा ५० वटा,पंखा ३ थान जली नष्ट हुनुको साथै ५ वटा बाख्रा घाइते भएको धुनियाले प्रहरीलाई बताएका छन् । धुनियाको फर्म रुप रुपमा जली नष्ट भएको जिल्ला प्रहरी कार्यालय पर्साले जनाएको छ ।