प्रहरीले एक किलो सुनसहित मकवानपुरको हेटौँडाबाट दुई जनालाई पक्राउ गरेको छ। प्रहरीले हटौँडा उपमहानगरपालिका–१ झोलुंगे पुलबाट एक किलो सुनसहित मकवानपुर राक्सिराङ गाउँपालिका–४ बिरकुट बस्‍ने ४१ वर्षीय अभय थिङ र दोलखा जिरी नगरपालिका–३ बस्‍ने ४५ वर्षीय ग्यालजेन शेर्पालाई बिहीबार दिउँसो पक्राउ गरेको हो।

जिल्ला प्रहरी कार्यालय मकवानपुरबाट खटिएको प्रहरी टोलीले शंकास्पद रुपमा हिँडिरहेका उनीहरुलाई जाँच गर्ने क्रममा उक्त सुन फेला पारेको हो।प्रहरीले सुनसहित दुवैजनालाई नियन्त्रणमा लिएर थप अनुसन्धान गरिरहेको जनाएको छ।