काठमाडौं । भारतबाट नेपाल आउँदै गरेका ३ जना भारतीय नागरिकहरुबाट प्रहरीले स्रोत नखुलेको रकम बरामद गरेको छ ।

प्रहरीले आज विहान मोटरसाइकलबाट आउँदै गरेको अवस्थामा विरगञ्जबाट उनीहरुलाई नियन्त्रणमा लिएको हो । नियन्त्रणमा लिईएकाहरुबाट स्रोत नखुलेको नेपाली करिब १८ लाख रकम प्रहरीले बरामद गरेको हो ।

नियन्त्रणमा रहेकहरु सुधीरकुमार, सहिद आलम र बिक्कीकुमार रहेको छ । यद्यपि उनीहरुको वतन भने खुलेको छैन् । उनीहरु हुण्डी कारोबारमा संलग्न रहेको हुनसक्ने प्रहरीको अनुमान रहेको छ ।

प्रहरीले उनीहरुलाइ वीरगञ्ज महानगरपालिका १६ रजतजयन्ती चोकबाट मोटरसाइकलमा नेपाल प्रवेश गर्दै गरेको अवस्थामा नियन्त्रणमा लिएको हो ।