पर्साको धोरेमा यस बर्ष पनि मेला लागेको छ। हरेक बर्ष छठ पर्वको अन्तिम दिनमा लाग्ने मेलामा हजारौंको संख्यामा मानिसहरू हेर्न आउने गर्छन। मेलामा प्रसिद्ध स्थानीय, रास्ट्रिय र अन्तरास्ट्रिय कुस्ती खेल्ने खलिफाहरु आउने भएकोले कुस्ती हेर्नू प्रमुख आकर्षणको रुपमा रहेको छ।

यस मेलामा नेपाल लगायत भारत बिहारको पनि मानिसहरु आउने गर्छन। छठ पुजा सकिने लगतै यस धोरे गाउँमा आउने चारै तर्फको बाटोमा एकदमै घुइँचो हुने गर्द्छ। छठ पुजा सम्म मान्शहारी खानेकुरा नखाइने र यो पर्ब बितने लगतै मेला आयोजन हुने भएकोले माछा, मासु र रक्सी जस्ता खानेकुरा खाने उदेश्यले पनि घुइँचो झन बढेको पाइन्छ ।

र हप्तौं माछा मासु नखाएकाहरु माछा मासु खानको लागि एकदमै भोकाएको जस्तै गर्दै यस मेलामा आएर खाने गरेका छन। मेलाको आवश्यकता हेरि दिनहुँ अर्कै पेसा गर्ने तर मेलाको दिन यस आसपासको सयौं मानिसहरु कराही, भाडा , चुल्हा कुखुरा, खसी र रक्सी लगायतका सामग्रीहरु एकदिने रोजगारी र आम्दानीका लागि लिएर मेलामा जाने गरेका छन। यसरी एक जनाले यस्ता काम गरेर एक दिनमै न्युनतम दश हजार कमाउने गरेका छन।