वीरगंज | वीरगंज महानगरपालिका वारुणयन्त्रका कर्मचारी बुनिलालप्रसाद चौरसियाको गएराति हत्या भएको छ ।अज्ञात समूहले चौरसियाको हत्या गरी बसपार्कनजीक रहेको माइदिया पोखरियाको डिलमा ल्याएर प्म्याँकेको र दिउँसो स्थानीयले देखेपछि प्रहरीलाई खबर गरेका थिए । मृतक चौरसियाको टाउकोलगायत शरीरभरि गम्भीर चोट लागेको छ ।

हिजो दिउँसो चार बजे घरबाट निस्केको र रातिसम्म घर नआएपछि परिवारजनले सम्पर्क गर्दा मोबाइल अफ भएपछि प्रहरीलाई खबर गरेका थिए । प्रहरीले पनि उनको रातिदेखि खोजतलाश गरेको थियो । आज दिउँसो पोखरीको डिलमा प्लास्टिक र तन्नामा बेरिएको चौरसियाको शव कुकुरले खोतल्न थालेपछि स्थानीयले प्रहरीलाई खबर गरेको स्थानिए ले ब ताए ।

प्रउ राठौरका अनुसार चौरसियाको हत्या राति भएको हुन सक्ने, रगत पनि कालो रहेकोले उनको हत्या भएको आशङ्का गरिएको छ ।परिवारजनले आशङ्का गरेका केही व्यक्तिमाथि प्रहरीले अनुसन्धान शुरू गरेको प्रउ राठौरले बताए । घटनामा संलग्न कोही पक्राउ नपरे पनि हत्यारा चाँडै पत्ता लाग्ने प्रउ राठौरले दाबी गरेका छन् ।