वीरगञ्ज | सशस्त्र प्रहरीले पर्सा जिल्लाका विभिन्न नाकाबाट साढे ५ लाख मुल्य बराबरको भन्सार छलीका समान बरामद गरेको छ । भारतबाट भन्सार छली गरी नेपाल ल्याउँदै गरेको ५ लाख ५८ हजार ८ सय रुपैयाँको समान बरामद गरेको हो ।

सशस्त्र प्रहरीको भन्सार गस्ती तथा सुरक्षाका लागि खटिएको गुल्मको टोलीले चेकजाँच गर्ने लत्ताकपडा, हार्डवयर, मोटरपार्टस, किराना सामान बरामद गरी गरिएको सशस्त्र प्रहरीले जनाएको छ ।सशस्त्र प्रहरी नायब उपरीक्षक अमर खत्रीले विभिन्न नाकाबाट अवैध रुपमा भित्र्याउँदै गरेको अवस्थामा समान बरामद गरिएको जानकारी दिए ।