काठमाडौं । लेखक सन्तोष लामिछानेको उपन्यास ‘अल्टिमेट आकाश’ सार्वजनिक भएको छ । काठमाडौंमा शुक्रबार जनमत प्रकाशन काभ्रेद्वारा आयोजित एक कार्यक्रममा लामिछानेको दोस्रो कृतिका रुपमा उक्त उपन्यास सार्वजनिक भएको हो ।

कार्यक्रमका प्रमुख अतिथि नेपाल प्रज्ञा प्रतिष्ठानका कुलपति गंगाप्रसाद उप्रेतीले पुस्तक सार्वजनिक गरेका थिए । कार्यक्रममा पुस्तक माथि प्राडा जीवेन्द्रदेव गिरीले समीक्षात्मक टिप्पणी गरेका थिए । जनमतका सम्पादक मोहन दुवालको सभापतित्वमा सम्पन्न कार्यक्रममा विभिन्न व्यक्तिले बोलेका थिए ।